Aga Burjatia

Aga Burjatia
Агинский Бурятский автономный округ Агын Буряадай автономито округ
sjølvstyrt område
Flagg Symbol
Land	Russland
Region	Aust-Sibir
Del av	Den sibirske føderasjonskrets
Hovudstad	Aginskoje
Areal	19 600 km²
Folketal	77 167
Språk	russisk, burjatisk
Tidssone	UTC +9
Bilnummer	80
Aga Burjatia 51°00′N 114°30′E / 51°N 114.5°E / 51; 114.5
Aga Burjatia på kartet over Russland i 2005.
Wikimedia Commons: Aga Buryatia

Aga Burjatia^[a] var eit sjølvstyrt distrikt (okrug) i Russland. Det var del av Tsjita oblast, men samstundes eit av føderasjonssubjekta i den russiske føderasjonen. Hovudstaden var Aginskoje, arealet var 19 300 km² og innbyggjartalet var 73 500 (2005). Den 1. mars 2008 vart distriktet slått saman med Tsjita oblast og danna det nye territoriet Zabajkalskij kraj.

Aga Burjatia var fullstendig omslutta av Tsjita oblast, sør i Sibir, nær grensa til Mongolia. Området er berglendt, høgste punktet er fjellet Alkhanaj, 1663 meter over havet. Om lag 30 % av arealet er skogkledd. Klimaet er kontinentalt, med kalde vintrar og varme somrar. Middeltemperaturen i januar er frå   –22 til –26 grader celsius, i juli +18 til +20 grader celsius.

Aga Burjatia har ingen stader med bystatus. Ved folketeljinga i 2002 var fleirtalet burjatar (62,5 %). Russarar utgjorde 35,1 % av folketalet.

Burjatane, eit mongolsk folkeslag, vart underlagt russisk herredøme i 1648. Busetjinga Aginskoje vart grunnlagd i 1781. Etter den russiske revolusjonen i 1917 var det kampar mellom sovjetiske og "kvite" styrkar i området. Sovjetmakta vart etablert i 1920. Det autonome distriktet vart oppretta 26. september 1937. Etter oppløysinga av Sovjetunionen vart Aga Burjatia eit russisk føderasjonssubjekt.

Denne artikkelen treng referansar for verifikasjon. Du kan forbetra artikkelen ved å leggja inn referansar til pålitelege kjelder. Kven som helst kan fjerna kjeldelaust materiale utan forvarsel, men den føretrekte tilnærminga er i første omgang å markera dei setningane/påstandane som treng kjeldebelegg ved å tilføya {{tr}} etter påstanden. (2024)

• Offisiell nettstad Arkivert 2021-12-08 ved Wayback Machine. (ru)