Frederik Meltzer
Frederik Meltzer | |
![]() | |
Statsborgarskap | Noreg |
Fødd | 29. september 1779 Bergen |
Død |
17. desember 1855 (76 år) |
Yrke | gründer, politikar |
Språk | norsk |
Politisk parti | sjølvstendepartiet |
Frederik Meltzer på Commons |
Frederik Meltzer (19. september 1779–15. desember 1855) var ein norsk kjøpmann, eidsvollsmann og stortingsmann frå Bergen.
Bakgrunn
[endre | endre wikiteksten]Far til Meltzer var kjøpmann i Bergen. Sjølv lærde han kjøpmannsyrket, mellom anna under eit toårig opphald i England og Frankrike. Han var frå 1802 kjøpmann på Tyskebryggja i heimbyen. Seinare vart han også overfiskevrakar og i 1837 børskommissær.
Politisk utsending
[endre | endre wikiteksten]I 1814 var Meltzer utsending frå Bergen til riksforsamlinga på Eidsvoll saman med Wilhelm Frimann Koren Christie, Jens Rolfsen og Jonas Rein. Der høyrde han til sjølvstendepartiet.[1] Han var elles medlem av finanskomiteen.
![](http://178.128.105.246/cars-http-upload.wikimedia.org/wikipedia/commons/thumb/f/fe/Norwegian_flag_Meltzer.jpg/220px-Norwegian_flag_Meltzer.jpg)
Meltzer var representert på Stortinget 1821, 1822, 1824, 1827 og 1828. I 1821 søkte han om fritak, noko som vart avvist og han møtte frå 6. mars. På dette tinget kom han med forslag om at det norske flagget skulle ha same fargane som det franske, det USA-amerikanske og det nederlandske flagget, i tillegg til det britiske unionsmerket. Eit forslag som vart vedteke, og det norske flagget hadde fått si varige form. Han var medlem av 18 komitear, mellom dei om russehandelen i Finnmark, om bøkkerlauget i Bergen og om brennevinsbrenning på landsbygda. I 1822 var han med i komiteen om oppgjeret med Danmark. På 1824-stortinget var han med i bankkomiteen og i komiteen om kjøpstadskatten, og om fiskeria. Også i 1827 var han med i bankkomiteen samt næringskomiteen. På det overordentlege storting 1828 var han med i komiteen om auke av setelmassen.
Meltzer var i 1840 medlem av fiskerilovkommisjonen og i 1843 om vrakarvesenet. Sistnemnde år medlem av ein kongeleg kommisjon om skattestellet i byane.
Meltzer døydde i Bergen i 1855. Han var far til Harald Meltzer.
Bustad i 1814
[endre | endre wikiteksten]I 1814 budde Meltzer i eit hus i Slottsgaten 7 i Bergen. Det vart øydelagt under eksplosjonen på Vågen 20. april 1944. Dramshusen, handelshuset hans på Bryggen i Bergen, blei rive ved saneringa av den sørlege delen av Bryggen.[2]
Utmerkingar
[endre | endre wikiteksten]Meltzer vart riddar av den svenske Vasaordenen i 1821.[3]
Kjelder
[endre | endre wikiteksten]- Tallak Lindstøl: Stortinget og Statsraadet 1814-1914. Kristiania, 1914
- ↑ «Frederik Meltzer (1779-1855)». Eidsvoll 1814. Henta 28. juni 2015.
- ↑ Erlend Hofstad (2014). «Fredrik Meltzer og Dramshusens schøtstue og ildhus i Bergen». I Jørn Holme. De kom fra alle kanter. Eidsvollsmennene og deres hus. Oslo: Cappelen Damm. s. 383—387. ISBN 978-82-02-44564-5.
- ↑ Anders Bjarne Fossen. «Frederik Meltzer». Norsk biografisk leksikon. Henta 28. juni 2015.
Bakgrunnsstoff
[endre | endre wikiteksten]- Biografisk informasjon om Frederik Meltzer NSD Norsk senter for forskningsdatas politikararkiv