Johan Collett
Johan Collett | |||
![]() Johan Collett av Jacob Munch | |||
Fødd | 22. mars 1775 Rønnebæksholm | ||
---|---|---|---|
Død | 19. juni 1827 (52 år) | ||
Statsborgar av | Noreg | ||
Parti | Sjølvstendepartiet | ||
Yrke | Jurist og amtmann | ||
Utdanna ved | Københavns Universitet | ||
Barn | Peter Jonas Collett, Holger Gustav Collett, Johan Christian Collett | ||
Verv | Medlem av Riksforsamlinga på Eidsvoll | ||
Verv | Stortingsrepresentant 1814, 1818-1820, 1824-1826 og 1827-1829 | ||
Alle verv |
|
Johan Collett (22. mars 1775–19. juni 1827) var ein norsk embetsmann og stortingsmann.
Collett var fødd i Prestø på Sjælland i Danmark. Han vart cand. jur. i 1793. Arbeidde i åra 1796-1802 i det danske rentekammeret. Frå 1802 var han fut i Buskerud, 1814 utnemnd til amtmann i same. Han var amtmann der til han døydde.
Collett var utsending frå Buskerud amt på riksforsamlinga i 1814. På Eidsvoll var han ein av dei fremste talsmennene for sjølvstendepartiet. Han vart vald til stortingsrepresentant fire gongar. Fyrste gongen til det overordentlege storting 1814, der han var medlem av Lagtinget og var med i tre komitear. Neste gongen, 1818, var han visepresident i Lagtinget. Han var då medlem i 15 komitear, formann i ti av dei. Mellom anna var han formann i komiteen om bank- og pengevesenet. År 1824 sat han på stortinget for tredje gong. Han var då formann i komiteen om jordbruk og fedrift, og i komiteen om kjøpstadskatten. Også på det neste stortinget, 1827, var han formann i jordbruk og fedrifts-komiteen, samt komiteen og berg- og skogvesen. Som i 1818 var han visepresident i Lagtinget.
Johan Collett døydde i Kristiania under stortingssamlinga i 1827, og vart gravlagd på Vår Frelsers gravlund. Han var bror av Jonas Collett og far til Peter Jonas Collett.
Collett var innehavar av Vasaordenen og Nordstjerneordenen.
Kjelder
[endre | endre wikiteksten]- Lindstøl, Tallak: Stortinget og Statsraadet 1814-1914. B. 1 D. 1 : Biografier A-K side 175-176, digital utgåve
- Biografisk informasjon om Johan Collett NSD Norsk senter for forskningsdatas politikararkiv
Bakgrunnsstoff
[endre | endre wikiteksten]- Einskildmenn
- Fødde i 1775
- Døde i 1827
- Eidsvollmenn
- Stortingsrepresentantar for Buskerud
- Stortingsrepresentantar 1814
- Stortingsrepresentantar 1818-1820
- Stortingsrepresentantar 1824-1826
- Stortingsrepresentantar 1827-1829
- Norske amtmenn
- Fylkesmenn i Buskerud
- Vasaordenen
- Nordstjerneordenen
- Gravlagde på Vår Frelsers gravlund