Daniel Cohn-Bendit
![](http://178.128.105.246/cars-http-upload.wikimedia.org/wikipedia/commons/thumb/7/78/Europe_Ecologie_closing_rally_regional_elections_2010-03-10_n14.jpg/220px-Europe_Ecologie_closing_rally_regional_elections_2010-03-10_n14.jpg)
![](http://178.128.105.246/cars-http-upload.wikimedia.org/wikipedia/commons/thumb/1/1b/Daniel_Cohn-Bendit_%281968%29.jpg/220px-Daniel_Cohn-Bendit_%281968%29.jpg)
Daniel Cohn-Bendit (Montalban, Carcin, 1945) es òme politic francoalemand. Foguèt eurodeputat a partir de 1994 e pòrtavotz del Partit Verd Europèu en 2004.[1] Nascut en Occitània mas de nacionalitat alemanda, menèt una carrièra politica en França e Alemanha, malgrat que demora un personatge mai que mai mediatizat a França.
Pendent la seuna joventut se faguèt conéisser coma un dels caps visibles de la revòlta de mai 68 en frança ont, per la seuna ideologia d'extrèma esquèrra (apertenguèt al movement anarquista) e per èsser pelrog, èra chafrat Dany le Rouge ("Daní lo Roge"). Ara, mas, venguèt favorable al capitalisme e a una "ecologia que prenga en compte l'economia de mercat per poder la regular".[2] En 1984 intrèt al partit ecologista alemand Aliança 90/Los Verdes e en 1999 se declarèt "liberal-libertari", es a dire, que "sosten un reformisme ecologicosocial ligat a la tradicion libertària antiestatala".[3]
Favorable a una Euròpa federala, en setembre de 2010 cofondèt lo [{Grop Spinelli]] per trabalhar dins aquela direccion.[4]
Vida personala
[modificar | Modificar lo còdi]En Daniel Cohn-Bendit nasquèt a Montalban (Occitània), ont s'èran refugiats los seus parents, josieus d'Alemanha, per fugir los nazis. Demorèt apatrid fins al seus quatorze ans e se declarèt totjorn "ciutadan europèu". Li foguèt ofèrta la nacionalitat francesa mas preferiguèt que son passapòrt que contenga aquela dels seus paires, segon el per aver pas a far lo servici militar.[5] Estudièt la Sociologia a Nanterre. Demòra a l'ora d'ara Francfòrt de Men.
En 1975 publiquèt lo libre Le grand bazar, ont dins lo capítol, "Little big men", evòca las seunas experiéncias coma educador dins un fogal d'enfants "alternatiu" de Francfòrt.[6] Qualques passatges de l'òbra parlan del desrevelh sexual dels mainats de 1 a 6 ans e donan testimòni d'experiéncias fisicas ambigüas que l'autor aguèt amb eles.[7] Cohn-Bendit Parla tanben de las seunas experiéncias, de biais provocatiu, dins lo programa literari de la television francesa Apostrophes, dirigit per Bernard Pivòt, dins l'emission del 23 d'abril de 1982.[8]
Referéncias
[modificar | Modificar lo còdi]- ↑ (fr)Ficha de Daniel Cohn-Bendit sul site del Parlament europèu
- ↑ (fr)Une envie de politique, 1998, La Découverte.
- ↑ (fr)« Cohn-Bendit : “Je suis un libéral-libertaire” », L'Humanité, 7 gener 1999
- ↑ Web del Grup Spinelli - lista dels membres
- ↑ 40 ans après son coup d'éclat, «Dany le Rouge»Entrevista a Daniel Cohn-Bendit, a LaTéléLibre, lo 15 de mai de 2008, (fr)
- ↑ (fr)Cohn-Bendit Daniel, Le grande bazar, Éditions Belfond, París, 1975
- ↑ Sul subjècte escriu: "Me venèt mai d'un còps qu'unes mainats m'obriguèsson la bragueta e comencèsson a me far de gratilhs.
- ↑ Durant aquest programa, titulat "Quelles valeurs pour demain?", on se presentava lo libre d'Ingolf Diener e Eckard Supp Ils vivent autrement (Stock, 1982), Cohn-Bendit diguèt, entre autres: "Veni a 9 oras del matin trobarr los meus uèit mainats entre 16 meses e 2 ans. Vai lor tòrcar lo cuol, vai… los gratilhar, me gratilhan, nos fasèm de cossèrgas."
Ligams extèrnes
[modificar | Modificar lo còdi]- Web oficial de Daniel Cohn-Bendit ((de))
- Ficha de Daniel Cohn-Bendit a la web del Parlament Europèu ((en)) ((fr))
- Video Intervencion al Parlament Europèu sus l'ipocresiá de l'UE contra las crisis de l'an 2010 ((fr)).