Toledu
![](http://178.128.105.246/cars-http-upload.wikimedia.org/wikipedia/commons/thumb/2/26/Toledo_Skyline_Panorama%2C_Spain_-_Dec_2006.jpg/400px-Toledo_Skyline_Panorama%2C_Spain_-_Dec_2006.jpg)
Toledu (o Tulitu) è una cità dâ Spagna. Appartinìa ô nticu Regnu di Castigghia chi avìa comu capitali la cità di Burgos. Attuarmenti è lu capuluòcu di la pruvincia omònima e dâ cuminità autònuma di Castigghia-La Mancia. La cità havi circa 75'000 abbitanti.
Storia
[cancia | cancia la surgenti]Centru mussurmanu di mpurtanza granni n'èbbica mediuevali, lu 25 di maiu dû 1085 lu re Alfonsu VI di Castigghia cunquistau la cità. A pàrtiri di stu mumentu la cità vissi lu sò piriudu cchiù mpurtanti, di nu puntu di vista culturali, suciali e pulìticu.
La scola pi traduttura di Alfonso X, di cui lu cchiù mpurtanti fu Girardu di Cremona chi si stabbiliu ddà ntô 1167, e li òpiri d'arti civili e riliggiusi lassaru mprunti assai forti ntâ cità, nzinu a quannu la cità fu la capitali di lu mpiru spagnolu, all'èbbica di Carlu V.
Lu figghiu di Carlu V, Filippu II dicisi di spustari la capitali di lu mpiru a Madrid. Di ddù mumentu la cità, pirdennu parti dô sò pisu puliticu e suciali, trasìu nti nu piriudu di dicadenza chi cuincidìu cu chiddu di tutta la Spagna.