Pàdoa
|
|||||||||
Pozision | |||||||||
---|---|---|---|---|---|---|---|---|---|
Stato | Itàłia | ||||||||
Rejon | Vèneto | ||||||||
Provinsa | provincia de Pàdoa ![]() | ||||||||
Cavedałe de | |||||||||
Popołasion | |||||||||
Totałe | 206 496 (1° de zenaro del 2023) ![]() ![]() | ||||||||
Densità | 2 219,67 hab./km² | ||||||||
Zènaro |
| ||||||||
Demònemo | padoan
![]() | ||||||||
Idioma | italian vèneto ![]() | ||||||||
Zeografia | |||||||||
Àrea | 93,03 km²[1] ![]() | ||||||||
Bagnà da | Bacajon ![]() | ||||||||
Altitùdene | 12 m[2] ![]() | ||||||||
Rente a | |||||||||
Dati istòreghi | |||||||||
Avegnimento ciave | |||||||||
Dì festivo | Eror Lua: callParserFunction: function "
[[Categoria" was not found. | ||||||||
Patrono | Sant'Antonio da Padoa ![]() | ||||||||
Còdazi de identifegasion | |||||||||
Còdaze postałe | 35121–35143 ![]() | ||||||||
Còdaze de matricołasion | PD ![]() | ||||||||
Fuzo oràrio | |||||||||
Clasifegasion climàtega | clima subtropegałe ùmido ![]() | ||||||||
Prefiso tełefònego | 049 ![]() | ||||||||
ID ISTAT | 028060 ![]() | ||||||||
Còdaze catastałe de Itàlia | G224 ![]() | ||||||||
Sito web | comune.padova.it ![]() | ||||||||
|
Pàdova,[3] o pi raramente Pàdoa, (Patavium in latin, Padua in inglexe[4] e in todesco[5], Padoue in francexe[6]) ła xe na sità de 210.536 àneme, co una dee pi vece e grande università d'Europa. Trovandose sol croxevia tra e strade che va'ntel nord-est che vien da Roma e da Miłan, in mexo al Veneto, Pàdova ła xe el più gran sentro comerciałe del nord-est del'Italia.
I tre sensa
[canbia | canbia el còdaxe]Ła xe famosa par i so tre sensa: el santo sensa nome, el prà sensa erba e el cafè sensa porte. El santo sensa nome el xe Sant'Antonio, parché i padovani i ło ciama soło 'el santo'; el prato sensa erba el xe Prà de ła Vałe, che prima de esare bonificá el gera na pałude, mentre el cafè sensa porte el xe el Pedrochi, che na volta el gera sempre verto.
Istoria
[canbia | canbia el còdaxe]Secondo ła tradision, ła fondasion de Pàdova risałe a un grupo de profughi de ła sità de Troia, comandà da Antenore.
Uno dei prinsipai posti dea cultura paleoveneta, ła vecia Pàdova xe stà fondà tacà ai àrxari del fiume Brenta (neł' antichità Medoacus), che a chel tenpo (se pensa fin al 589) el pasava dove uncó ghe xe el Bachiglion.
Durante l'Inpero Roman
[canbia | canbia el còdaxe]Nel 49 a.C., Padova ła xe deventà de nome un munisipio roman, par esarlo par davero soło nel 45 a.C. co ła Lex Julia Municipalis. Durante ła dominasion romana Patavium, come che ła gera ciamà ałora, ła diventa una de łe sità pi riche del'Inpero, grasie anca ai ałevamenti de cavałi. Nel'età de Augusto, Pàdova ła xe parte de ła X Regio che ła gavea come capitałe Aquiłeja, ała quae ła gera cołegà dała via Ania che ła partiva da Adria. Del periodo roman resta alcuni ponti, modificai ntel medioevo, i resti de ł'arena (visin ała capeła dei Scrovegni), e terme (na sćianta de piere soto pałaso Storion) e el foro (visin ała piasa Garibaldi e ała piaseta Cavour), dove che ghe resta soło na cołona.
Al prinsipio del V secoło a Pàdova se gà stabijio el Praefectus Sarmatarum gentilium, una dee 13 guarnigion de Sarmati a difesa del'inpero. Probabiłe che ła guarnigion ła fuse dixlocà a Sarmeoła (Sarmaticula), frasion de Ruban e a Sermasa (łocaità de Vigonovo). Nel 452-453 ła sità la xe stà distruta dała invasion dei Uni de Atiła. Dal 535 al 553 ghe xe stà ła guera tra Bixansio e i Goti aleài dei Franchi: conquistà dai primi nel 540 e dopo dai secondi cò Totiła, Pàdova ła xe stà ciapà nel 568 da Narsete, generałe de Giustinian.
Medioevo
[canbia | canbia el còdaxe]![](http://178.128.105.246/cars-http-upload.wikimedia.org/wikipedia/commons/thumb/6/64/Sant%27Antonio_%28Padua%29_-_Facade.jpg/220px-Sant%27Antonio_%28Padua%29_-_Facade.jpg)
Dopo ła fine del'Inpero, Pàdova ła gà visto el Brenta canbiar el sò corso co ła ròta del 589, sostituio dal Bachilion. Ła xe stà asedià e conpletamente distruta en tel 601 dai Łongobardi de Agilulfo che, secondo ła tradision, i xe entrai in çità dal Ponte dea Morte, come che el xe ciamà uncó el ponte tacà a via Rudena (che sta par rovina). Monsełexe ła gà rexistio ancora par cualche mexe prima de cascar anca eła in man ai Łongobardi. Un pochi de abitanti i ga sercà de salvarse nea laguna de Venesia, contribuendo ała nasita, secoi dopo, de Venesia.
En tel 899 Pàdova ła xe stà rasià da i Ungari.
Soło dopo l'ano 1000, Pàdova gà scumisià a riprenderse, afermandose come comune indipendente, anca se ła gà dovuo subire łe devastasion del teremoto del 1004 e, ancora più forte, de queło del 1117, cusì come el incendio grando del 1174. En tel 1164 ła fa parte deła lega veronexe contro Federico Barbarosa. Dal 1168 (convegno de Lodi) al 1183 (Paxe de Costansa) Pàdova ła fa parte anca dea Lega Łonbarda.
I ani sucessivi i ga visto ła çità aumentare ła só inportansa e i só domíni, in lota continua contro i comuni confinanti. En tel 1222 xe stà fondà ła Università, ła seconda più antica de ła penisoła itałica e una fra łe prime e più prestijiose d'Europa. A Pàdoa el ga predicà e el xe morto, en tel 1231, Sant'Antonio, , al quałe i padovani ghe gà dedicà ła grandioxa basiłica. Tra el 1303 e el 1305 Gioto el gà afrescà ła Capeła dei Scrovegni, inestimabiłe texoro de pitura. L'espansion del comune padovan xe stà interota a più riprexe, in particołare fra el 1237 e el 1256, da ła sanguinoxa dominasion de Exełin III da Roman, ricordà pa ver fato trucidare inte un giorno soło più de diexemiła padoani.
En tel 1318 muta el panorama poitico a Pàdova: scumisia ła Signoria de i Cararexi co l'elesion a Capitan del Popoło de Jacopo da Carara. El secoło dopo, anca se turbà dae continue lote co łe signorie dei comuni tacài e co ła potente Venesia, el xe stà par Pàdova el apice del so splendore, asołuta protagonista del'arte e dea cultura europea grasie ała prexensa de artisti e leterati come Giusto De' Menabuoi, Guariento, Altichiero e Francesco Petrarca.
En tel 1387 ghe xe stà ła bataja de Castagnaro, considerà una de łe grande bataje del'epoca dei capitani de ventura: Joani Ordełafi e Ostaxio da Poenta, che i conbateva par Verona, i xe stà afondai da Joani Acuto e Checco Noveło Cararexi, chel conbatea par Pàdoa. I gera i últimi bajori miłitari de ła çità, che, en tel 1405 ła se gà inxenocià definitivamente a Venesia dopo na longa e dura łota. A xe ła coxideta "devosion" de Pàdova a Venesia: i últimi Cararexi prigionieri i vien copà có i se catava nei Pionbi, łe famigeràe gaere venesiane.
Nel medioevo el munisipio e ła signoria i gà fato scavare łe prinsipałi opere de navigasion de ła provincia de Pàdova: el canałe de Bataja, el Piòvego e e Brentełe.
Rinasimento
[canbia | canbia el còdaxe]![]() |
Par savèrghene de pì, vardarse ła voxe Assedio de Padoa. |
![](http://178.128.105.246/cars-http-upload.wikimedia.org/wikipedia/commons/thumb/f/fa/Padova-Palazzo_della_ragione_nachts.jpg/220px-Padova-Palazzo_della_ragione_nachts.jpg)
![](http://178.128.105.246/cars-http-upload.wikimedia.org/wikipedia/commons/thumb/4/45/Padova-vicenza_30-9-05_063.jpg/220px-Padova-vicenza_30-9-05_063.jpg)
Par quaxi quatro secołi Pàdova, anca se ła gera drio perdar inportansa połitica, a gà godùo dea paxe e de ła prosperità asicurà da ła aministrasion venesiana e de ła łibartà concesa a ła so Università, che a ga riciamà studenti e profasori da tuta Eoropa, fra i quałi l'indimenticabie Galileo Galilei.
Dopo el teribiłe asedio del 1509, durante ła guera anti-venesiana promosa da ła Liga de Canbrai, xe stà conpletà ła çinta muraria, e questo xe stà uno dei pochi eventi degni de nota del periodo. I asalti inperiałi i xe stà tuti respinti sol Bastion Coałonga da nobiłi venesiani, padovani e famosi soldai de ventura come Citoło da Perugia.
Otosento
[canbia | canbia el còdaxe]Nel 1797, Venesia vien conquistà da Napoleone e Pàdova, insieme a tuto el veneto, ła xe stà dà a l'Austria co el tratà de Campoformio, par entrar a far parte, dopo ła disfata napoleonica, del Regno Lonbardo-Vèneto. Nel 1848, anca Pàdova ła ga visto l'insuresion contro l'occupasion austriaca, in particołare a opera dei studenti universitari: tutora ła data dell'insuresion studentesca, 8 febraro, ła vien festejà. Nel 1866 Vittorio Emanuele II òcupa e anete, grasie a un plebiscito, ła Venesia Euganea. Cusì Pàdova ła entra nel Regno d'Itałia.
El Novesento
[canbia | canbia el còdaxe]Durante ła Prima guera mondiałe, Padoa a xe stà sede de vari comandi, conprexo queło dea Tersa Armata, subendo speso bonbardamenti aerei. Da un areoporto picenin, a San Pelajio - ora sede de un muxeo del voło, xe partio Gabriełe D'Anunsio pal cełebre propagandistico voło su Viena. Nel 1918 a Viła Giusti deła Mandria, nea periferia sud de Pàdoa, xe stà firmà l'armistisio che ga meso fine ała guerra fra l'Italia e i Inperi Sentrałi.
Ła Seconda Guera Mondiae e ła Rexistensa
[canbia | canbia el còdaxe]Co ea seconda guera mondiałe xe rivà anca a Padova morte e devastasion, co ła perdita, fra i altri, dei inestimabii dipinti dea Capeła Ovetari de Andrea Mantegna e de Ansuino da Forlì, durante un bonbardamento aereo ałeà l'11 marso 1944: de sti capołavori resta uncó soło qualche framento. Conpagna a xe stà ła sorte pa' i afreschi de ła capeła del podestà, realizài da Fiłipo Lippi, da Nicołò Pizzolo e, ancora, da Ansuino da Forlì. Inportante el xe stà el discorso del retore Concetto Marchesi el 9 novenbre 1943 par l'inaugurasion de l'ano academico, dove chel ga invità i studenti a ciapare łe armi contro el fasismo e el naxismo, xe da anotare che però ło ga dito dopo de l'8 setenbre.
Pàdova ła xe stà ła sede del Comando Regionałe Vèneto dea rexistensa, centro de coordinamento de el CLN pa tuto el Veneto. Xe stà sto Comando chel ga dà el via al'insuresion del 26 apriłe 1945.
L'Università dei Studi de Padova ła xe stà l'unica università premià co ła medaja d'oro al Vałor Miłitare del Stato italian pai meriti durante ła resistensa.
Ła seconda metà del Novesento
[canbia | canbia el còdaxe]I ani dal dopoguera fin uncó, i xe stà par Pàdova de continuo sviłupo economico. Grasie ała favorevołe posision geografica, al centro de importanti vie de comunicasion, gà vuo grande slancio e industrie e i servisi. L'interamento dee riviere (1956-1960) e ła perdita nel 1954 de alcuni coegamenti feroviari co ła provincia (gestii dała Società Veneta per le Imprese e Costruzioni Pubbliche nota come Ła Veneta) xe stà uno dei tanti presi che la sità gà dovùo pagare ała difuxion del trasporto su goma.
Ea crisi sociae e poitica dei ani setanta gà visto el połarixarse dee tension a Padova. El 15 apriłe 1969 na bomba cołocà da Franco Freda e Giovanni Ventura xe esplosa nel retorato, ałora ocupà dal profesor Opocher. I stesi gà acquistà ała Valigeria al Duomo e vaìxe utiixàe el 12 dicembre 1969 pa e bombe a Miłan nea sede dea Banca dell'Agricoltura in piasa Fontana e ała Banca nasionae del Lavoro a Roma.
El 13 genaio 1974 el cołonèo Amos Spiasi, del gruppo teroristico de destra "Rosa dei Venti" vien arestà.
El 17 giugno 1974 e Brigate Rose compie a Padova el só primo omicidio copando dó misini, Grasiano Girałucci e Giusepe Masoła, nea sede del Movimento Sociale Italiano.
El 7 aprile 1979 el sostituto procuratore Pietro Całogero gà fato arestare circa 140 persone aderenti a Potere Operaio e Autonomia Operaia, tra i quai spica i nomi dei profesori universitari Luciano Ferrari Bravo, Toni Negri e Emilio Vesce, oltre che tanti studenti e ricercatori. L'acusa, pasà ała storia come el teorema Całogero, gà sercà de dimostrare che el grupo de Autonomia el fuse ła faciata legae dée Brigate Rose, e che Toni Negri el fuse l'organixadore del sequestro de Aldo Moro.
El 5 febraro 1981 l'estremista de destra Valerio Fioravanti el gà copà sul'arxare del canae Scaricatore i dó carabinieri Enea Codoto e Luigi Maronexe, che i ło gaveva sorpreso a recuperare armi da un nascondiglio segreto soto aqua. Fioravanti el xe stà subito dopo caturà.
Co ła sigla de Brigate Rose per la costruzione del Partito Comunista Combattente, a Verona, el 17 dicembre 1981, xe stà sequestrà el generae american James Lee Dozier, che el xe stà liberà col blitz dei NOCS a Padova il 28 genaio 1982.
Sviùpo demografico
[canbia | canbia el còdaxe]![](http://178.128.105.246/cars-http-upload.wikimedia.org/wikipedia/vec/timeline/obwttzcguh6wuawz5zwl1hn0z1c1m7q.png)
I canai de Padova
[canbia | canbia el còdaxe]El tesuto urban de Padova xe fortemente condisionà dała presensa de diversi corsi d'aqua, formai dal'intreciarse dee aque del Bachiglion co quee del Brenta, che i ghe dà a tanti angoi dea sità scorci sugestivi.
Nel pasá, 'sti corsi d'aqua gera fondamentai pa' l'economia sitadina, sopratuto pa ła prexensa de alcuni muini e pa ła só evidente funsion comerciae, congiungendo ła cità co ła visina Venesia e co i altri centri dea provincia de Padova. In più, i canai gà rapresentà a lungo un vaido complemento dee opere de fortificasion dea cità, faxendo da fosato fora dee mura.
I corsi d'aqua citadini principai xe:
- Brenta, che nase dai laghi de Levico e Caldonaso, el percore el confine nord de Padova deimitando el quartiere Nord dai comuni confinanti.
- Tronco maestro, cioè chel ramo del Bachiglion che entra in cità al Basaneo e el costegia el centro storico a ovest e a nord, fin ae Porte Contarine; el faxeva da canae difensivo pal lato nord-ovest dee mura duecentesche. El gera utiixà sopratuto pa ła navigasion.
- Naviglio Interno, che el se dirama dal Tronco maestro, traversando el centro storico a sud e ad est, seguendo queo che gera el percorso del Medoacus e ricongiungendose col ramo principae ae "Porte Contarine":. El vigneva uxà sopratuto pa' alimentare i muìni e el se dirama in diversi canai secondari, tra i quai el canae de Santa Chiara che el vien fora dała cità verso sud-est pa imeterse poco dopo nel "canałe Piòvego".
- Canałe Piòvego, el parte dała confluensa del "Tronco maestro" e del "Naviglio interno" tacà ae "Porte Contarin"e e quindi el prosegue verso il Brenta e Venesia, deimitando a nord e mura cinquecentesche;
- Canałe de Bataja, antico canae artificiae del XII secolo, che el se distaca dal Bachiglion al Basanèo, nea periferia meridionae, par dirigerse quindi verso i centri a sud dea provincia, intersecandose co na rete de altri canai par ritornare nel trato finae del fiume prima che, tacà al mare, el se imeta nel Brenta.
- Canałe Scaricatore, el comincia tacà a dove che parte el canae Bataglia, e el xe stà costruio nea seconda metà del XIX secoło par convojare fora dal centro e aque del Bachiglion, fondamentae difexa contro el pericolo dee aluvion;
- Canałe de łe Brentèłe, antico scavo del XIV secoło a ovest de Padova, che porta al Bachiglion e aque del Brenta. El xe stà costruio durante e guere contro i vicentini, quando che questi gaveva canaixà e aque del Bachiglion, cambiandoghe el corso e asando Padova sensa aqua.
E opere de interamento dei canai sitadini, in particołare del Naviglio Interno, che el xe deso soto ła Riviera dei Ponti Romani, a partire dai ani '50, e gà asà in stato de abandono sti canài, oltre naturalmente a vère alterà ireparabilmente el streto raporto tra Padova e e só aque. Xe stà soło nei ani '90 che se gà asistio a un recupero dee vie d'aqua sitadine, che e xe deso percorse da novo da alcune barche.
Sport
[canbia | canbia el còdaxe]El 23 majo del 2000 ła 10^ tapa del Giro d'Italia 2000 xe finia a Padova co ła vitoria de Ivan Quaranta.
Oltre al Calcio Padova, storica squadra de bałon sitadina fondà nel 1910, gà un ruòło importante anca ła squadra de rugby del Petrarca.
Nea stajon sportiva 2005-06 ła sità de Padova xe stà rapresentà nel masimo campionato, queo de A1, nea pałavoło maschie e feminie, dal Sempre Volley e dal Volley Club Padova. Anca ła pallanuoto xe presente nei masimi campionati maschii e femminii co e squadre del Plebiscito.
Tra i avenimenti sportivi anuai più conosui ghe xe ła Maratona de Sant'Antonio.
Aministrasion
[canbia | canbia el còdaxe]Sìndico: Sergio Giordani (Indipendente de sentro-sanca), dal 28/06/2017.
Giornai del posto
[canbia | canbia el còdaxe]I giornai più veci che 'ncora deso i xe ocupa deła cronaca deła cità i xe : el Gaxetin e Il Mattino di Padova. Dal 12 novembre 2002 se vende el "Coriere del Veneto" abinà col Corriere della Sera. Sto giornałe el gà sede a Padoa e el ghe dedica ała cità do pajine al jorno. Ghe gera anca dei giornałi che łi vegneva distribuìi gratis come: Leggo, Metro, City, Il Padova e altri 'ncora, ma nesuno de questi gera de proprietà vèneta. Ghe se anca el giornae diocesano La Difesa del popolo.
Na volta ła cità gaveva n'altro giornałe locałe: L'Eco da Padova, scrito par ła prima volta nel 1977, edito dała Rizzoli e sarà nel 1980.
Quartieri
[canbia | canbia el còdaxe]Arceła
[canbia | canbia el còdaxe]Arceła (Quartiere 2 Nord) ła xe ła zona nord dea cità, e ła riva fin a Pontevigodarxare. El confine el xe raprexentà dała ferrovia Venesia-Miłàn a sud (col centro citadino) e dała tangensiae a nord (co Pontevigodarxere). Conosua pa' esare el posto dea morte de Sant'Antonio da Padova (l'evénto el xe ricordà dal santuario de Sant'Antonino) e pa' esare stà ła periferia agrìcoła de Pàdova fin ała seconda guerra mondiałe, l'Arceła ła ga conosuo nel dopoguera na vełoce crésita urbanìstica, fin che ła xe rivà ai 50 000 abitanti de uncó. El metrotram ła cołega in maniera funsionae col céntro.
Mandria
[canbia | canbia el còdaxe]Mandria (Quartiere 5 Sud-Ovest) ła confina coi comuni de Àbano e de Albignaxego, divisa da questo dal canae de Bataja.
Nata 'ntorno ała vecia strada romana Annia, che portava da Padova a Adria, ła gà sul so teritorio ła Villa Giusti del Giardino, dove che xe stà firmà el4 novembre del 1918 l'armistisio tra Italia, Inpero Austro-Ungarico e Germania che meteva fine ała prima guera mondiae; che a varda el Canae de Battaja ghe ze invese Villa Mołin, pensà dal'architeto Vincenzo Scamozzi nel 1597 (e che ła vien speso, sbajando, considerà parte dea Mandrioła, che ła xe su che altra sponda del Canae de Bataja).
Montà
[canbia | canbia el còdaxe]Dea vecia Montà (Quartiere 6 Ovest), che ła xe suła strada Padova-Ponteroto, a circa 4 km dal centro cità, resta uncó soło l'antica fonte bateximae dea césa de San Bartołomeo, risaente al XVI sec. Recentemente el teritorio del quartiere el xe stato sogeto a forti trasformasion insediative e el xe ormai de fato inglobà col resto dea cità. Nel 2004 xe stà completa el cavalcavia de Corso Australia che el gà cusì eliminà l'unico semaforo esistente suła tangensiae, contribuendo a rompere l'isolamento de Montà dal resto deła cità.
Ponte de Brenta
[canbia | canbia el còdaxe]Ponte de Brenta (Quartiere 3 Est) el xe un antico insediamento suła via par Venesia, el fa parte del Comune de Padova prima dea Prima guera mondiałe, el confina col comune de Vigonsa, dal quale el xe separà dal Brenta.
Nata atorno ai trafici dei barcaroi e dei viagiatori, ea xe caraterixà dała prexensa de alcune notevoli ville patrisie venesiane, tra queste spica Villa Breda, de proprietà comunae, col só parco. Ea vila se afacia sul fiume, da dove ghe gera l'acèso principae, verso ła fine del XIX secoło, dea ferovia Padova-Venesia. Ea xe stà fata dal Senatore del Regno Vincenzo Stefano Breda, che col'ocaxion el gà creà na fermata proprio ała fine del viae de aceso ała villa, dal lato del parco. Al senatore Breda xe anca intitolai l'ospisio pa i ansiani e l'ipodromo de Padova, che xe anca łori a Ponte de Brenta, e l'axiło infantie, che el xe nea piasa principae. Nea stesa piasa e se afacia l'antica cesa parocchiae de San Marco e San Michee, de aspeto setecentesco. Al'interno, opere de Luca Giordano e un pregevole organo del'epoca.
El parco dea vila ospita na pista pai cavai, primo ipodromo citadino, e dee scuderie otocentesche, fruto dea pasion del nobìe par l'ippica.
Na picoła frasion de Ponte de Brenta xe Tore che, secondo ła storia, in epoca medievae ła ragrupava e atuai frasion de Mortise, Ponte de Brenta, Arceła e Altichiero, infati qualcuno dixe che Sant'Antonio sia morto a Tore invese che all'Arceła, che a chei tempi no ła existeva gnancora.
Pontevigodarxere
[canbia | canbia el còdaxe]Pontevigodarxere (Quartiere 2 Nord) el se trova tacà a dó ponti che i coega Padova coe so frasion a nord, el ciapa el nome dal primo comune là tacà, Vigodàrxare. Fin ała seconda guera mondiae ła gera campagna, e ła se gà ingrandìo veocemente nel periodo dea ricostrusion dopo esere stł quaxi raxa al suoło dai bombardamenti dei aleati nel tentativo de fermare ła ritirata tedesca. A circa 1,5 km dal centro, ła xe na xona in fase di riquaificasion, grasie al completamento dea tangensiae nord che permete al trafico di ragiungere ła nova strada del Santo sensa pasare par l'Arceła. Dai tempi del'amministrasion Destro, no ła xe più na frazione de Padova, ma ła fa parte del quartiere 2-Nord che comprende anca Mortise, San Carlo, San Gregorio e parte de Altichiero.
Anedoti
[canbia | canbia el còdaxe]Padova xe nota per esere la città dei "sete sensa":
- Santo sensa nome, perché Sant'Antonio, a cui i padovani xe tradisionalmente devoti, el xe comunemente ciamà el Santo, nome che vien estexo anca ała Basilica omonima;
- Café sensa porte, perché el monumentae Cafè Pedrochi, storico locale de Padova, anticamente el gera verto ad ogni ora del giorno;
- Prato sensa erba, perché el Prà deła Vałe, spetacołare piasa seconda in Europa par estension ała soła Piasa Rosa de Mosca, ła gera na pałude fin ała fine del setecento, periodo in cui ła gà ciapà l'aspeto atuae grasie a Andrea Memmo, e ła vigneva uxà pa ła famosa fiera del Santo, trasformà in fiera Campionaria nel 1919.
- "El bò sensa i corni", perché el Bò più famoso de Padova xe el nome de ła Università dei studi, che ła gà ciapà sto nome dopo che durante un scavo dee fondamenta xe stà trovà el cranio de un bò;
- " L'orto sensa e verdure", perché el famoxo Orto Botanico el xe destinà al studio e ała conservasion de rare spece botaniche, e el xe coegà col'Università. El xe talmente presioxo e completo che el xe stà ameso ała protesion dell'Unesco come tesoro del'umanità.
- "Łe riviere sensa aqua" perché, come xà sopra scrito, i canai xe stai interai nel corso dei ani 50 e 60.
- "Ła catedrale sensa fine" co riferimento al fato che ała Basijca de Santa Giustina ghe manca el rivestimento esterno: quando che i gera drio costruirla xe finii i schei del'appaltatore, e i ła gà asà al stato grexo.
No xe tanti gnanca i padovani a conoscere ła storia dee dó gate , anca se e xe tra i più curiose simboi dea cità:
- Ea gata de Sant'Andrea, ła xe su na cołona davanti ała cexa dedicà a chel santo, e ła xe fata in maniera bastanza grosołana. In origine ła gera un leon de San Marco, abatùo nel 1797 dai francexi dopo che i gaveva conquistà Venexia. El xe stà ricostruio nea só atuae forma incompiua dal scultore Francesco Chiereghin, in seguito ała restaurasione che xe vegnua fora col Congreso de Viena;
- El bastion dea Gata, in corispondensa dei giardini dea rotonda (ała confluensa dee odierne vie Paolo Sarpi e Codalunga), gà vuo el só momento de gloria nel 1509, durante l'asedio di Padova da parte dei imperiai de Masimilian I d'Asburgo. I atacanti - che i usava na machina da guera ciamà "gato", i gera quaxi riusìi a penetrare in chel punto ła seconda cinta dee mura (cinquecentesche (quea interna, del 1300, xe quaxi scomparsa) tuttora visibili, ma i gà dovùo dexistere grasie al'ingegno de Citolo da Perugia, capitan de ventura che el gà minà el varco 'pena in tempo. Par tore in giro, i difensori i gà esposto na gata su na pica, sfidando i nemisi a vignersea tore.
Persone inportanti
[canbia | canbia el còdaxe]Persone inportanti che xe nate a Padoa:
- Tito Livio, stòrico roman
- Giovanni Battista Belzoni, egitołogo
- Conrado Franco Varotto, fíxico
- Bruno Capovilla, ator e comediografo
Infrastruture e trasporti
[canbia | canbia el còdaxe]Sità xemèe
[canbia | canbia el còdaxe]Nancy, Francia, dal 1964
Friburgo, Germania, dal 1967
Boston, Stati Unii de Merica, dal 1983
Handan, Cina, dal 1988
Iasi, Romania, dal 1995
Beira, Moxanbico, dal 1995
Coimbra, Portogało, dal 1998
Cajari, Italia, dal 2002
Zara, Croàsia, dal 2003
Bibliografia
[canbia | canbia el còdaxe]- Attilio Simioni, Storia di Padova: dalle origini alla fine del secolo 18°, G. e P. Randi, Padova, 1968
- M. Beatrice Rigobello Autizi, Storia di Padova citta d'Europa : dalle origini alle soglie del Duemila, Atesa, Bologna, 1991
- Elio Franzin, Luigi Piccinato e l'antiurbanistica a Padova 1927-1974. Con alcuni scritti padovani di Luigi Piccinato, Ed. Il prato, Saonara (PD), 2005
- Elio Franzin, Padova e le sue mura, Signum Edizioni, Padova, 1982
- Maria Beatrice Rigobello, Francesco Autizi, Storia di Padova: arte, cultura, Il prato : Piccola libreria Minerva, Padova, 2003
- Leopoldo Saracini, Padova nord. Storia di un quartiere, As. Cult. Amici dell'Arcella, Padova, 2001
- Lorenzo Tomasin, Testi padovani del Trecento, Esedra, Padova, 2004
Varda anca
[canbia | canbia el còdaxe]- Area metropołitana de Padoa
- Baxìica del Santo
- Cexa dei Eremitani
- Capeła dei Scrovegni
- Galileo Galilei
- Giotto
- Orto Botanico de Padoa
- Prà de ła Vałe
- Pałaso de ła Raxon
- Spris
- Tito Livio
- Università de Padoa
- El Bo, sede del'Università
- Cexa de l'Imacolada
Note
[canbia | canbia el còdaxe]- ↑ voze de refarensaistat.it.
- ↑ URL de refarensa: https://www.tuttitalia.it/veneto/64-padova/.
- ↑ La voce di Umberto Marcato un inno alla «Vecia Padova» sul sito web de Il Mattino di Padova
- ↑ (EN) Padua sol sito web dea Lonely Planet
- ↑ (DE) Padua sol sito web de Reise nach Italian
- ↑ (FR) Padoue sol sito web de La Guide du Routard
Linganbi foresti
[canbia | canbia el còdaxe]- Sito ufisałecomune.padova.it.
- Comune di Padova (canale ufisałe)YouTube.
- PadovaTreccani.it – Enciclopedie on line, Istituto de ła Ençiclopedia Italiana.
- Arrigo Lorenzi, Giuseppe Fioccu, Attilio Simioni, Tammaro De Marinis, Roberto Cessi, Elio Migliorini, Paola Zancan, Giusto Zampieri, PADOVA, in Ençiclopedia Italiana, Istituto dell'Enciclopedia Italiana, 1935.
- PADOVA, in Ençiclopedia Italiana, I Appendice, Istituto dell'Enciclopedia Italiana, 1938.
- Elio Migliorini, Emilio Lavagnino, PADOVA, in Ençiclopedia Italiana, II Appendice, Istituto dell'Enciclopedia Italiana, 1949.
- Giuseppe Morandini, PADOVA, in Ençiclopedia Italiana, III Appendice, Istituto dell'Enciclopedia Italiana, 1961.
- PADOVA, in Ençiclopedia Italiana, IV Appendice, Istituto dell'Enciclopedia Italiana, 1979.
- PADOVA, in Ençiclopedia Italiana, V Appendice, Istituto dell'Enciclopedia Italiana, 1994.
- Padova, in Disionàrio de istòria, Istituto dell'Enciclopedia Italiana, 2010.
- Pàdova (città)sapere.it, De Agostini.
- (IT, DE, FR) Pàdoahls-dhs-dss.ch, Disionàrio stòrego de ła Svìsara.
- (EN) PaduaEnçiclopedia Britannica, Encyclopædia Britannica, Inc.
Wikimedia Commons el detien imàjini o altri file so Pàdoa
Controło de autorità | VIAF (EN) 137588063 · LCCN (EN) n79027122 · GND (DE) 4044295-0 · BNF (FR) cb119330068 (data) · BNE (ES) XX456455 (data) · WorldCat Identities (EN) n79-027122 |
---|