Servalo
![]() | ||||||||||||||
---|---|---|---|---|---|---|---|---|---|---|---|---|---|---|
![]() ![]() servalo en Tanzanio
| ||||||||||||||
Biologia klasado | ||||||||||||||
| ||||||||||||||
Konserva statuso | ||||||||||||||
![]() | ||||||||||||||
Aliaj Vikimediaj projektoj
| ||||||||||||||
Servalo (Leptailurus serval) estas specio de mezgrandaj afrikaj karnomanĝuloj el genro feliso, familio felisedoj, ordo karnovoruloj, klaso mamuloj. Ĝia raso estas proksima al Afrika ora kato kaj Karakalo.
Servaloj, oftaj en Afriko, vivas ĉefe en humidaj savanoj, precipe sude de Saharo, en areoj kun arbustoj, herboj, proksime al akvo. Ili havas longajn krurojn kaj estas tre rapide moviĝemaj bestoj. Servalo lerte grimpas arbon, bone saltas. Ĝi ĉasas nokte, ĉefe birdojn kaj malgrandajn mamulojn (ronĝulojn).
La korpo de la servalo estas svelta, la kolo estas longa, la kapo relative malgranda kun grandaj oreloj. Ĝia vosto longas 20–30 cm, ĝia korpo (sen vosto) 80–100 cm. Ĝia ŝultroalto estas ĉirkaŭ 50 cm, la besto mem pezas ĉirkaŭ 15 kg.
Ĝia felo estas longhara, sur la ventro buterblanka, sur la dorso flava aŭ ruĝeta kun nigraj makuloj kaj strioj. Ĉar la makulado, koloro povas diferenci laŭ regionoj, oni kreis subspeciojn laŭ tio.
Servalino naskas 2–4 idojn post graveda tempo de 68–74 tagoj.
Subspecioj
[redakti | redakti fonton]- Leptailurus serval serval, Sudafrika regiono
- Leptailurus serval beirae, Mozambiko
- Leptailurus serval brachyurus, Okcidenta Afriko, Sahelo kaj Etiopio
- Leptailurus serval constantinus, Alĝerio ( formortinta )
- Leptailurus serval faradjius
- Leptailurus serval ferrarii
- Leptailurus serval hamiltoni, Orienta Transvalo
- Leptailurus serval hindei, Tanzanio
- Leptailurus serval kempi, Ugando
- Leptailurus serval kivuensis, Kongo
- Leptailurus serval lipostictus, Norda Angolo
- Leptailurus serval lonnbergi, suda Angolo
- Leptailurus serval mababiensis, norda Bocvano
- Leptailurus serval pantastictus
- Leptailurus serval phillips
- Leptailurus sur la rando de pikoko
- Leptailurus serval robertsi, Okcidenta Transvalo
- Leptailurus serval togoensis, Togolando kaj Benino
Bildaro
[redakti | redakti fonton]-
Hibrido kun domkato
-
Ilustraĵo
Vidu ankaŭ
[redakti | redakti fonton]Eksteraj ligiloj
[redakti | redakti fonton]- Ĉi tiu artikolo legita esperante ĉe YouTube
- informoj pri servaloj en la Internacia Ruĝa Listo de Endanĝeritaj Specioj de la Internacia Unio por la Konservo de Naturo 2009