S Stirnbei bi de Wirbeldier
![](http://178.128.105.246/content-http-upload.wikimedia.org/wikipedia/commons/thumb/7/70/Human_skull_side_bones_numbered.svg/200px-Human_skull_side_bones_numbered.svg.png)
1. Stirnbei (Os frontale) (gelb)
2. Scheitelbei (Os parietale)
3. Nasebei (Os nasale)
4. Dränebei (Os lacrimale)
5. Siibbei (Os ethmoidale)
6. Keilbei (Os sphenoidale)
7. Hinderchopfbei (Os occipitale)
8. Schlööfebei (Os temporale)
9. Jochbei (Os zygomaticum)
10. Oberchiifer (Maxilla)
11. Underchiifer (Mandibula)
![](http://178.128.105.246/content-http-upload.wikimedia.org/wikipedia/commons/thumb/0/01/Frontale_%28sheep%29.jpg/220px-Frontale_%28sheep%29.jpg)
S Stirnbei isch farbig markiert
S Stirnbei (lat. Os frontale) bestoht us eme Bäärli vo Chnoche und isch e Deil vom Hirnschädel. Es bildet s vordere Schädeldach, bi de Wiiderchäuer macht s e grosse Deil von em us. D Stirnbein uf beide Siite si in dr Medianebeni über e Schädelnoht, d Sutura frontalis („Stirnnoht“), mitenander verbunde.
S Stirnbei bildet dr oberi (Margo supraorbitalis) und hinderi Deil vo dr Augehöhli (Orbita). Am Hinderrand het s e Fortsatz, dr Processus zygomaticus ossis frontalis. Bi Fleischfrässer und Säu isch dä Fortsatz nume churz. Bi ihne isch dr Hinderrand vo dr Orbita nume vom ene bindgwäbige Band verschlosse (Ligamentum orbitale), wo zwüschen em Processus zygomaticus vom Stirnbei und dem Processus frontalis vom Jochbei verlauft.
Bim Mensch und andere Primate het s Stirnbei e dütlige Wulst über de Auge, wo as Augebraueboge (Arcus superciliaris) bezeichnet wird. Zwüsche de beide Augebraueböge liit über dr Nasewurzle d Stirnglatze (Glabella).
Zwüsche de beide Chnocheblatte vom Stirnbei isch d Nasehöhli, wo mit Schliimhuut uskleidet isch. D Stirnhöhli (Sinus frontalis) isch eini vo de Nasebeihöhlene.
Bi Wiiderchäuer mit Hörner bildet s Stirnbei e Hornzapfe us Chnoche (Processus cornualis) wo s Horn drufsitzt. In dä Fortsatz chunnt au d Stirnhöhli iine, so dass bim Enthorne vo erwachsene Wiiderchäuer d Stirnhöhli ufgmacht wird.
![]() |
Dä Artikel basiert uff ere fräie Übersetzig vu dere Version vum Artikel „Stirnbein“ vu de dütsche Wikipedia. E Liste vu de Autore un Versione isch do z finde. |