Uzi
Uzi | |
---|---|
![]() | |
Апісанне | |
Тып: | пісталет-кулямёт |
Краіна: |
![]() |
Гады эксплуатацыі: | з 1954 |
Гісторыя мадэлі | |
Канструктар: | Узіэль Галь |
Усяго выраблена: | каля 10 000 000 |
Выраблялася: | Israel Military Industries |
Характарыстыкі | |
Маса, кг: | 4 кг (з магазінам на 25 патронаў) |
Даўжыня, мм: | 650/470 мм |
Даўжыня ствала, мм: | 260 мм |
Калібр, мм: | 9 мм |
Патроны: | 9×19 мм Парабэлум |
Боезабеспячэнне: | скрынкавы магазін на 25/32/40/50/62 патрона |
Прыцэл: | адкрыты |
Характарыстыкі пры выкарыстанні стандартнага патрона | |
Úzi — сямейства пісталетаў-кулямётаў, якія выпускаюцца ізраільскім канцэрнам Israel Military Industries (IMI). Назва «Uzi» была дадзена ў гонар канструктара зброі Узіэля Галя.
Гісторыя
[правіць | правіць зыходнік]У першыя гады незалежнасці Ізраіля, яго армія цярпела на катастрафічны недахоп сучаснага і, што найважней, надзейнага стралковага ўзбраення.
Толькі скончылася Вайна за незалежнасць, і ў арміі, створанай літаральна падчас вайны, на ўзбраенні была толькі зброя, якую здолелі завезці ў краіну нелегальна або таксама нелегальна вырабіць у падпольных майстэрнях. Разнабой калібраў і сістэм зброі быў фантастычным, але галоўнае — большая частка зброі была састарэлай.
Адным з найбольш удалых узораў быў кампактны і надзейны пісталет-кулямёт Sa 23 чэхаславацкай вытворчасці канструкцыі Я. Халечака, які меў вельмі арыгінальную кампаноўку — набойнік устаўляўся, як у звычайным пісталеце, у дзяржальню, а затвор у вельмі пярэднім становішчы «набягаў» на ствол. Гэта быў першы ў свеце серыйны пісталет-кулямёт, створаны па гэтай схеме (якая пазней шырока распаўсюдзілася).
Калі ўрад Ізраіля прыняў рашэнне ствараць сваю зброю, простую ў вытворчасці і эксплуатацыі, у конкурсе перамог праект маладога афіцэра Узіэля Галя, які быў прыняты на ўзбраенне ў 1954 годзе пад назвай «Узі». Гэты пісталет-кулямёт пераняў чэхаславацкую канструкцыю, але стаў больш тэхналагічны і адаптаваны для ўмоў вайны ў пясчанай пустыні (што выяўлялася ў наяўнасці ў бакавінах затворнай скрынкі вялікіх кішэняў для адводу забруджвання).
Сам Галь вельмі не хацеў, каб зброю называлі яго імем, але яго просьбу праігнаравалі.
Упершыню «Uzi» паказаў сябе ў дзеяннях падчас Суэцкага крызісу 1956 года. Менавіта тады ён стаў шырокавядомы і з таго часу пачаўся яго распаўсюджанне па свеце.
![](http://178.128.105.246/content-http-upload.wikimedia.org/wikipedia/commons/thumb/1/14/Imi_uzi_b22.jpg/350px-Imi_uzi_b22.jpg)
У Шасцідзённай вайне пяхота ўзброеная «Узі» штурмавала сірыйскія ўмацаванні на Галанскіх вышынях. Невялікія памеры і лёгкасць перазарадкі зрабілі «Узі» незаменным для штурму вузкіх і цесных бетонных бункераў.
На сённяшні дзень «Узі» стаў адным з найбольш масавых пісталет-кулямётаў у свеце: паводле даных канцэрна IMI, на канец 2001 года аб’ём продажу пісталетаў-кулямётаў маркі «Узі» дасягнуў 2,5 мільярдаў долараў ЗША. Больш чым у 95 краінах свету «Узі» стаіць на ўзбраенні армій або органаў правапарадку.
У самім Ізраілі пісталеты-кулямёты «Узі» цяпер выкарыстоўваюцца ў асноўным у тылавых і дапаможных часцях, паменшаныя і сучаснейшыя варыянты стаяць на ўзбраенні войск спецыяльнага прызначэння.
На аснове «Узі» былі створаны карабін з падоўжаным ствалом і пісталет без рэжыму аўтаматычнага агню. Яны прызначаліся ў асноўным для грамадзянскага рынку і па параметрах адпавядалі прынятым у ЗША патрабаванням да грамадзянскай зброі.
Канструкцыя
[правіць | правіць зыходнік]Засцерагальнік, ён жа перакладнік рэжыму агню, размешчаны на левым боку зброі, поруч дзяржальні. На задняй частцы дзяржальні таксама размешчаны адмысловы засцерагальнік, які дапускае стральбу толькі пры поўным ахопе дзяржальні рукой.
У аснове пісталетаў-кулямётаў «Узі» ляжыць схема з вольнай засаўкай: стральба вядзецца з адчыненай засаўкі. Стрэл здзяйсняецца незадоўга да прыходу засаўкі ў крайні пярэдні стан. У крайнім пярэднім стане засаўка як бы затуляе сабой зверху казённую частку ствала. Такая канструкцыя дазваляе трохі скараціць даўжыню зброі пры зададзенай даўжыні ствала.
Спускавы механізм забяспечвае два рэжымы агню: адзінкавы і аўтаматычны. Перакладнік, ён жа засцерагальнік, размешчаны на левым боку зброі, поруч дзяржальні. На задняй частцы дзяржальні таксама размешчаны адмысловы засцерагальнік, які запускае стральбу толькі пры поўным ахопе дзяржальні рукой.
Складаны прыклад прымацаваны да стволавай скрыні ззаду. У асноўнай мадэлі прыклад складаецца ўніз, у больш кампактных мадыфікацый, такіх як «Mini-Uzi» і «Micro-Uzi», ён зроблены складальным убок.
Пісталеты-кулямёты «Uzi» ужываюць стандартны патрон 9x19 мм Парабэлум. Магазіны бываюць на 25, 32, 40 і 62 патроны.
Перазарадка «Uzi» па прынцыпе «рука знаходзіць руку» (дзяржальня зброі служыць таксама гарлавінай для магазіна) вельмі зручная, асабліва ў цёмны час сутак.
Галерэя
[правіць | правіць зыходнік]-
Micro Uzi
-
Mini-Uzi