Baybay Sulu
![](http://178.128.105.246/content-http-upload.wikimedia.org/wikipedia/commons/thumb/c/c8/1852_Coello_-_Morata_Map_of_the_Southern_Philippines_-_Geographicus_-_Philipines2-morata-1852.jpg/220px-1852_Coello_-_Morata_Map_of_the_Southern_Philippines_-_Geographicus_-_Philipines2-morata-1852.jpg)
![](http://178.128.105.246/content-http-upload.wikimedia.org/wikipedia/commons/thumb/e/e7/Sulu_Sea_internal_waves.jpg/220px-Sulu_Sea_internal_waves.jpg)
![](http://178.128.105.246/content-http-upload.wikimedia.org/wikipedia/commons/thumb/e/e1/Tubbataha_Shark.jpg/220px-Tubbataha_Shark.jpg)
Ti Baybay Sulu ket ti bagi ti danum iti lugar ti abagatan a laud ti Filipinas, naisina daytoy manipud iti Baybay Abagatan Tsina iti amianan a laud babaen ti Palawan ken manipud iti Baybay Celebes iti abagatan a daya babaen ti Purpuro Sulu. Mabirukan ti Borneo iti abagatan a laud ken ti Visayas iti amianan a daya.
Ti Baybay Sulu ket aglaon kadagiti nadumaduma nga isla. Ti Is-isla Cuyo ken Cagayan Sulu ket paset dagitoy ti probinsia ti Palawan, bayat a ti Mapun ken ti Is-isla Turtle ket paset ti probinsia ti Tawi-Tawi. Ti Baybay Sulu ket isu pay ti ayan ti Nailian a Parke ti Marina ti Raw-ang ti Tubbataha ken pakabirukan pay ti maysa kadagiti Lugar a Tawid ti Lubong.[1]
Sakup
[urnosen | urnosen ti taudan]Ipalawag ti Gunglo ti Internasional a Hidrograpiko (IHO) ti baybay Sulu a kas maysa kadagiti danum ti Purpuro Daya nga India. Ipalawag ti IHO dagiti patingga ti Baybay Sulu a kas dagiti sumaganad:[2]
Iti amianan a laud. Manipud iti Tanjong Sempang Mangayau, ti amianan a punto ti Borneo, iti igid ti akindaya a patingga ti Baybay Abagatan Tsina aginggana iti Calavite, ti amianan a laud a punto ti Mindoro.
Iti amianan a daya. Ti abagatan a laud nga aplaya ti Mindoro aginggana iti Punto Buruncan, ti akin-abagatan a patinggana, kalpasanna ti linia babaen ti Is-isla ti Semirara ken Caluya aginggana iti Punto Nasog (11°53′N 121°53′E / 11.883°N 121.883°E) ti akin-amianan a laud a patingga ti Panay, iti igid ti laud ken abagatan a daya nga aplaya iti dayta nga isla aginggana iti Isla Tagubanhan (11°08′N 123°07′E / 11.133°N 123.117°E), kalpasanna ti linia a mapan iti akin-amianan a patingga ti Negros ken agpababa iti laud nga aplaya iti Punto Siaton, ti akin-abagatan a patinggana, kalpasanna iti ballasiw ti Punto Tagolo (8°44′N 123°22′E / 8.733°N 123.367°E), Mindanao.
Iti abagatan a daya. Manipud iti Punto Tagolo, agpababa iti laud nga aplaya ti Mindanao aginggana ti abagatan a laud a patingga, kalpasanna ti amianan nga playa ti Isla Basilan (6°45′N 122°04′E / 6.750°N 122.067°E), babaen ti daytoy nga isla aginggana iti akin-abagatan a patinggana, kalpasanna ti linia iti Isla Bitinan (6°04′N 121°27′E / 6.067°N 121.450°E) idiay akindaya a patingga ti Isla Jolo, babaen ti Jolo agingga iti punto iti longitud iti 121°04'E iti abagatan nga aplayana, kalpasanna babaen ti Is-isla ti Tapul ken Lugus ken iti igid ti amianan nga aplaya ti Isla Tawi Tawi aginggana iti Isla Bongao idiay akinlaud a patinggana (5°01′N 119°45′E / 5.017°N 119.750°E), manipud iti dayta, kalpasanna iti Tanjong Labian, ti akin-amianan a daya a patingga ti Borneo.
Iti abagatan a laud. Ti amianan nga aplaya ti Borneo iti pagbaetan ti Tanjong Labian ken Tanjong Sempang Mangayau.
Iti popular a kultura
[urnosen | urnosen ti taudan]Ti karakter ti Star Trek a ni Hikaru Sulu ket nanaganan manipud iti Baybay Sulu. Segun kenni aktor Sulu George Takei, ti sirmata idi ni "[Gene] Roddenberry para kenni Sulu ket ti mangirepresenta iti amin nga Asia, ken nainaganan para iti Baybay Sulu, imbes nga iti panagusar iti naisangayan a nagan iti pagilian".[3][4]
Dagiti nagibasaran
[urnosen | urnosen ti taudan]- ^ C.Michael Hogan. 2011. Sulu Sea. Encyclopedia of Earth. Eds. P.Saundry & C.J.Cleveland. Washington DC
- ^ "Limits of Oceans and Seas, 3rd edition" (PDF). International Hydrographic Organization. 1953. Naiyarkibo manipud iti kasisigud (PDF) idi 2010-10-15. Naala idi 7 Pebrero 2010.
- ^ Pascale, Anthony. "George Takei On "Star Trek VI: Captain Sulu To The Rescue" + John Cho, Shatner Feud + more". TrekMovie.com. Naala idi 26 Hulio 2010.
- ^ "George Takei on how "Sulu" got his name on Star Trek – EMMYTVLEGENDS.ORG". YouTube.
Dagiti akinruar a silpo
[urnosen | urnosen ti taudan] Dagiti midia a mainaig iti Baybay Sulu iti Wikimedia Commons