Golpo ti Suez
Golpo ti Suez | |
---|---|
Dagiti makita a bagi ket ti Golpo ti Suez (laud, kanigid iti ladawan), ti Golpo ti Aqaba (daya, kanawan iti ladawan), ken ti Baybay Nalabbasit (abagatan, baba a kanawan iti ladawan). | |
![]() | |
Lokasion | Ehipto |
Nagsasabtan | 28°45′N 33°00′E / 28.750°N 33.000°ENagsasabtan: 28°45′N 33°00′E / 28.750°N 33.000°E |
Kadakkelan a kaatiddog | 314 km (195 mi) |
Kadakkelan a kaakaba | 32 km (20 mi) |
Agpakatengnga a kaadalem | 40 m (130 ft) |
Kaadaleman | 70 m (230 ft) |
![](http://178.128.105.246/content-http-upload.wikimedia.org/wikipedia/commons/thumb/2/2c/Suez1856.jpg/282px-Suez1856.jpg)
Ti akin-amianan a patingga ti tikor ti Baybay Nalabbasit iti Peninsula Sinai a mangpartuat ti Golpo ti Suez (Arabiko: خليج السويس; transliterado: Khalīǧ as-Suwais) iti laud ken ti Golpo ti Aqaba iti daya. Naporma idi ti golpo iti kaunegan ti relatibo nga ubing nga itan ket saanen nga aktibo rengngat ti labneng ti Rengngat ti Golpo ti Suez, a napetsaan kadagiti agarup a 28 a riwriw a tawen.[1] Daytoy ket gumay-at kadagiti 300 kilometro (190 mi) iti amianan babaen ti amianan a laud ken agpatingga idiay siudad ti Ehipto ti Suez ken ti sumrekan ti Kanal Suez. Iti igid ti tengnga a linia ti golpo ket ti pagbeddengan a pagbaetan ti Aprika ken Asia.[2] Mabirukan ti pagserrekan ti golpo iti ngato ti lugar ti lana ken gas ti Gemsa.[3]
Heograpia
[urnosen | urnosen ti taudan]Sakupen ti golpo ti akin-amianan a laud nga ima ti Baybay Nalabbasit iti pagbaetan ti Aprika ken ti Peninsula Sinai. Daytoy ti maikatlo nga ima ti sistema ti rengnga t ti triple a pagsasabtan, ti makadua ket ti Golpo ti Aqaba.
Ti kaatiddog ti golpof, manipud iti sabaganna iti Lingsat Jubal aginggana iti ulona idiay siudad ti Suez, ket 195 milia (314 km), ken agdumaduma ti kaakaba iti 12 aginggana iti 20 milia (19 iti 32 km).
Sakup
[urnosen | urnosen ti taudan]Ipalawag ti Gunglo ti Internasional a Hidrograpiko ti akin-abagatan a patingga ti golpo a kas "Ti linia a tumartaray manipud iti Ras Muhammed (27°43'N) iti abagatan a punto ti Isla Shadwan (34°02'E) ken kalpasanna agpalaud iti paralelo (27°27'N) aginggana iti aplaya ti Aprika".[4]
Heolohia
[urnosen | urnosen ti taudan]Ti seksion ti estratigrapiko ti labneng ti sedimentario ti golpo ket buklen ti sakbay a panagrengngat ti Paleosoika aginggana ti Oligoseno a batbato a klastiko ken dagiti karbonato, ken aktibo a panagrengngat ken kalpasan a panagrengngat a Mioseno agingga dagiti Holoseno a klastiko ken dagiti ebaporita.[5]:236 Adda dagiti dakkel a lugar ti lana a mabirukan iti golpo: ti El Morgan a naduktalan idi 1964, ti Belayim a naduktalan idi 1955, ken lugar ti Oktubre a naduktalan idi 1977.[5]:238 Ti LUgar ti Oktubre ket agpataud manipud iti Pormasion ti Kretasiko Nubia , ti Pormasion Akinngato a Kteasiko Nezzazat, ti Pormasion Mioseno Nukhul, ken ti Mioseno Asl Kameng ti Pormasion ti Akinngato a Rudeis.[5]:236
Dagiti nagibasaran
[urnosen | urnosen ti taudan]- ^ http://geoinfo.amu.edu.pl/wpk/geos/GEO_2/GEO_PLATE_T-37.HTML Naisalaysayan a pakaammo ti heolohia ti Golpo
- ^ "ISS EarthKAM: Images: Collections: Composite: Gulf of Suez, Egypt and Saudi Arabia". Naiyarkibo manipud iti kasisigud idi 2003-10-27. Naala idi 2015-08-11.
- ^ "USGS Open File Report OF99-50-A Red Sea Basin Province (Province Geology)". Naiyarkibo manipud iti kasisigud idi 2007-03-11. Naala idi 2015-08-11.
- ^ "Limits of Oceans and Seas, 3rd edition" (PDF). International Hydrographic Organization. 1953. Naiyarkibo manipud iti kasisigud (PDF) idi 2011-10-08. Naala idi 7 Pebrero 2010.
- ^ a b c Lelek, J.J., Shepherd, D.B., Stone, D.M., and Abdine, A.S., 1992, October Field, In Giant Oil and Gas Fields of the Decade, 1978–1988, AAPG Memoir 54, Halbouty, M.T., editor, Tulsa: American Association of Petroleum Geologists, ISBN 0-89181-333-0
Dagiti akinruar a silpo
[urnosen | urnosen ti taudan] Dagiti midia a mainaig iti Golpo ti Suez iti Wikimedia Commons