Iosephina Vidal
![Iosephina Vidal: imago](http://178.128.105.246/content-http-upload.wikimedia.org/wikipedia/commons/thumb/2/2b/Secretary_Kerry_Stands_for_the_Cuban_National_Anthem_at_the_Newly_Re-Opened_U.S._Embassy_Havana_%2820384510058%29_cropped_Vidal.jpg/150px-Secretary_Kerry_Stands_for_the_Cuban_National_Anthem_at_the_Newly_Re-Opened_U.S._Embassy_Havana_%2820384510058%29_cropped_Vidal.jpg)
Iosephina Vidal, vulgo plene Josefina de la Caridad Vidal Ferreiro (die 18 Februarii 1961) est legata Cubae.
Alumna est Instituti Coniunctionum Internationalium Moscuae in urbe, quod ab anno 1979 usque in 1984 frequentavit. Inquisitiones deinde persecuta est apud institutum Civitatibus Foeederatis dicatum universitatis Havanensis. Ab anno 1991 in legatione Cubana iuxta Franciam, ab 1999 in legatione iuxta Civitates Foederatas Vasingtoniae in urbe operam dedit. Annis 1997 et 1998 continuoque ab anno 2003 apud ministerium rerum externarum Havanae operam dedit, semper de rebus Americae Septentrionalis laborans. Ibidem ab anno 2013 director generalis meret eius divisionis quae de Civitatibus Foederatis agit. Ab anno 2011 sodalis est congressus centralis factionis communisticae Cubanae.
Bibliographia
[recensere | fontem recensere]![](http://178.128.105.246/content-http-upload.wikimedia.org/wikipedia/commons/thumb/2/20/Secretary_Kerry_Stands_for_the_Cuban_National_Anthem_at_the_Newly_Re-Opened_U.S._Embassy_Havana_%2820384510058%29_cropped.jpg/440px-Secretary_Kerry_Stands_for_the_Cuban_National_Anthem_at_the_Newly_Re-Opened_U.S._Embassy_Havana_%2820384510058%29_cropped.jpg)
- Boris Herrmann, "Profil: Josefina Vidal" in Süddeutsche Zeitung (20 Maii 2015)
- Dewayne Wickham, "Josefina Vidal vs. Caleb McCarry" in Zanesville Times Recorder; in Havana Journal die 12 Martii 2006 rursus editum
- Helen Yaffe, Jonathan Watts, "Top diplomatic negotiator in Cuba warns Trump: 'aggression doesn't work'" in The Guardian (17 Ianuarii 2017)
Nexus externi
[recensere | fontem recensere]- Vita apud ministerium rerum externarum Cubanum
- "Josefina Vidal Ferreiro" apud EcuRed