Northumbria
![](http://178.128.105.246/content-http-upload.wikimedia.org/wikipedia/commons/thumb/1/15/British_isles_802.jpg/220px-British_isles_802.jpg)
Northumbria (ok: „Northhumbria“ oder „Northumbrien“) weer een vun de lütten Königrieken vun de Angelsassen in England (Heptarkie). Dat Riek is tostanne kamen, as sik Deira un Bernicia in dat Johr 604 vereenigt hefft.
Historie
[ännern | Bornkood ännern]Den Naam hett düt Königriek, vunwegen sien Laag in'n Noorden vun den Humber-Stroom. An de Siet vun Mercia un East Anglia weer dat dat drüdde Riek, dar de Angeln grünnt hefft.
Toeerst sünd de beiden Königrieken Bernicia un Deira unafhängig ween, man to'n eersten Mol hett König Aethelfrith vun Bernicia jem in dat Johr 604 tohopen föögt. Düsse König is 616 in de Slacht an den Idle-Stroom vun Raedwald ümbröcht wurrn. Raedwald hett denn Aella vun Deira sien Söhn Edwin as König insett.
Mit de Tied hett dat jummers wedder Striet in dat Riek geven. Vundeswegen sünd Deira un Bernicia jummers mol wedder för en tiedlang unafhängig ween. 867 hett dat Grote Heidenheer vun de däänschen Wikingers Northumbria erovert un hett dat Königriek Jorvik (York) grünnt un dat to en Deel vun den Danelag maakt. För en korte Tied hefft de Angelsassen Northumbria noch mol in ehre Hannen kregen, man vun 878 af an weer dat endgüllig en Deel vun Jorvik. As Æthelstan dat Land vereenigt hett, is dat 927 Deel vun dat Königriek England wurrn. De Herrscher vun Northumbria is denn en Ealdorman un later en Earl ween un nich mehr en König, as vördem.
Üm Northumbria hett dat noch lang Striet geven, sunnerlich twuschen England un Schottland. Eerst 1237 is dat endgüllig na England torekent wurrn.
Northumbria vundage
[ännern | Bornkood ännern]Vundagen is Northumbria normolerwiese en Region, de en beten wat lüttjer is un de sik över de Graafschoppen Northumberland un County Durham in Noordoostengland utstrecken deit. Offiziell hett düsse Region den Naam North East England. Dor höört de Gemarken vun Newcastle upon Tyne to, wo sunnerlich veel Lüde leven doot. In Newcastle is ok de gröttste Deel vun de Northumbria University tohuse, wat een vun de gröttsten Universitäten in Noordengland is.
Weblenken
[ännern | Bornkood ännern]- Graafschop Northumberland ( Engelsch)
- Northumbrian Pipers' Society (Engelsch)
- Northumbria University (Engelsch)