Kemijärvi
Lidnanznam![]() | |
Valdkund | Suomenma |
Eläjiden lugu (2020-01-01) | 7,283 ristitud |
Pind | 3,930,91 km² |
Pämez' | Atte Rantanen (sulaku 2015—) |
Telefonkod | +358- |
Aigvö | tal'vel UTC+2, kezal UTC+3 |
![](http://178.128.105.246/content-http-upload.wikimedia.org/wikipedia/commons/thumb/3/32/Kemij%C3%A4rvikoherrixkenmapa.png/250px-Kemij%C3%A4rvikoherrixkenmapa.png)
Kemijärvi (mugažo suomen i ročin kelil; pohjoižsaam.: Giemajávri) om lidn Suomenman pohjoižes. Mülüb Laplandii-agjha, sen kaikiš penemb lidnankund nelläspäi eläjiden lugun mödhe. Valdkundan kaikiš pohjoižemb lidn.
Istorii
[vajehta | vajehtada lähtetekst]Eländpunktan aluz om pandud läz 1580. vot, Halonen-kanz tegihe ezmäižikš eläjikš. Municipalitet om olmas vspäi 1957. Ühtištuihe sidä Kemijärvin küläümbrištonke da anttihe lidnan statusad vl 1973.
Kemijärvi šingotase «Seitakorv»-gidroelektrostancijal i turizmal. Järv om kezalebun keskuz kalavaroidenke. Kundan suks'kurortad oma Suomu, Luosto da toižed.
Cellülozbumagaine tegim radoi vspäi 1965 i om sauptud vl 2008. «Keitele Group» osti tegimen päšt ičezkaluištod vl 2015, se planirui avaita cellülozan, energijan da biotorhuden tegint tuhanke radsijanke i kitajižiden rahoiden ühtnendanke, no ekologine laskend ei olend sadud vn 2018 sügüz'kule.
Geografijan andmused
[vajehta | vajehtada lähtetekst]Lidn sijadase agjan suves, ühtennimižen Kemijärven-vezivaradimen randal (231 km², 148 m ü.m.t., seižub Kemijogel, kudamb lankteb Botnižhe lahthe). Matkad agjan Rovanem'-keskushesai om 79 km päivlaskmha-suvipäivlaskmha orhal, 86 km avtotel vai raudtel, se-žo lähembaine lidn. Matkad Hel'sinki-pälidnhasai om 739 km suvhe orhal, 944 km avtotedme vai raudtedme. Toine lähine lidn om Kuusamo (Pohjoižpohjanma) 115 km suvipäivnouzmha orhal vai 139 km avtotedme. «Rovanem' — Sall»-raudtekeskust läbitab lidnad.
Vl 2020 lidnankundan pind — 3 930,91 km², sidä kesken kuiv ma 3504,13 km², vezi da sokaz tahond ottas 426,78 km².
Eläjad
[vajehta | vajehtada lähtetekst]Vl 1980 eläjiden lugu oli 12 621 ristitud, vl 2010 — 8 484 ristitud. Kaikiš suremb ristitišt oli 12 759 eläjad vl 1975 i 12 762 eläjad vl 1985. Ristituiden kaks' koumandest elädas municipalitetan keskuses.
Mamankelen mödhe (2016): suomen kel' — 98,7%, toižed keled — 1,3%.
Olli-Pekka Salminen radoi edeližen lidnanpämehen vll 2011−2014, sid' Tuula Kuvaja-velgusentäutai oli (2014−2015).
Galerei
[vajehta | vajehtada lähtetekst]-
«Tuulenpesä»-kafe Polärižpirdanno
-
Kemijärvin jumalanpert'
(om saudud vl 1950, vn 2015 nägu) -
Kodirandantedištandmuzei
(2019) -
Kemijärvin raudtestancijan sauvuz
vl 2007
Homaičendad
[vajehta | vajehtada lähtetekst]
Irdkosketused
[vajehta | vajehtada lähtetekst]![]() |
Kemijärvi Vikiaitas |