Raisio
Lidnanznam![]() |
Flag![]() |
Valdkund | Suomenma |
Eläjiden lugu (2020-01-01) | 24,096 ristitud |
Pind | 49,36 km² |
![]() | |
Pämez' | Antti Korte (kezaku 2020—. velgusentäutai) |
Telefonkod | +358- |
Aigvö | tal'vel UTC+2, kezal UTC+3 |
![](http://178.128.105.246/content-http-upload.wikimedia.org/wikipedia/commons/thumb/1/17/Map_of_Raisio.svg/250px-Map_of_Raisio.svg.png)
Raisio (mugažo suomen kelel, roč.: Reso; suomen virkand: [ˈrɑisio]) om Suomenman lidn da lidnankund Suvipäivlaskmaine Suomenma-agjas. Se om Turkun lodehline ezilidn, agjan nellänz' lidn eläjiden lugun mödhe üks'toštkümnespäi.
Istorii
[vajehta | vajehtada lähtetekst]Eländpunkt mainitase kirjutadud purtkiš vspäi 1292. Kivižen pühäpertin sauvomine zavodihe läz 1305. vot puižen sijas. Kätihe Raision municipalitetad lidnankundaks vl 1966, se sai lidnan statusad vl 1974.
Raisio šingotase sömtegimišton i sötken edheotandoil, tetaban «Raisio Oyj»-koncernan sijaduz. Villän (valdkundan kaks' videndest), rapsan, kartohkan i lepseniden ümbriradmine znamasižiš mülüiš. Stökoltehmižen Kaune-kompanijan päfater om saudud lidnas. Järedad IKEA- (koumanz' surtte valdkundas) i Mylly- (tuha radnikoid) torguindkeskused ratas Raisios.
Geografijan andmused
[vajehta | vajehtada lähtetekst]Lidn sijadase agjan keskuzpalas. Baltijan meren Raisio-lahten rand (suom.: Raisionlahti) om lidnankundan suvipäivlaskmas. Raisionjogi jokseb lidnadme (20 km pitte, suom.: Raisionjoki, ende Raisajoki) pohjoižespäi suvhe i lankteb merhe kahtes kilometras lodeheze Turkun istorižes keskusespäi. Agjan Turku-keskuz levitase ani suvhe i suvipäivnouzmha Raisiospäi, matkad Turkun keskushesai om 8 km suvipäivnouzmha avtotedme. Turkun lendimport radab 3 km pohjoižpäivnouzmha Raisiospäi. Matkad Hel'sinkihesai om 157 km päivnouzmha-suvipäivnouzmha orhal vai 170 km avtotedme. Toine lähembaine lidn om Naantali ani päivlaskmha.
Vl 2020 lidnankundan ühthine pind — 50,06 km², sidä kesken kuivma 48,76 km², vezi da sokaz ma otiba 0,6 nellikkilometrad, meri — 0,7 km².
Lidnan edeline pämez' om Ari Korhonen (2010−2020).
Eläjad
[vajehta | vajehtada lähtetekst]Vl 1980 eläjiden lugu oli 18 017 ristitud, vl 2010 — 24 427 ristitud (kaikiš suremb ristitišt). Mamankelen mödhe (2016): suomen kel' — 91,8%, ročin kel' — 1,4%, toižed keled — 6,8%.
Professionaližen opendusen aluzkund om torguindškol.
Galerei
[vajehta | vajehtada lähtetekst]-
Huhko-usadib
-
Raision jumalanpert'
(vn 2010 nägu) -
«Raisio»-koncernan sömtegimed
(2014) -
Kerttulan sportkeskuz
-
Raisio-päraudtestancii
Homaičendad
[vajehta | vajehtada lähtetekst]
Irdkosketused
[vajehta | vajehtada lähtetekst]![]() |
Raisio Vikiaitas |