Wikipedia:Tour/2
|
Wikipedia-Tour |
|
| zréck | 1 | 2 | 3 | 4 | 5 | weider |
Wann Dir wëllt, kënnt Dir och den automateschen alphabeteschen Index duerchsichen (am Menü lénks laanscht d'Säit: „Alles vun A-Z“).
Uewen op der Säit gëtt et d'Textfeld „Säite weisen, ugefaange mat“. Do kënnt Dir een oder méi Buschtawen aginn. Wann Dir zum Beispill „Jean“ antippt, kritt Dir eng ganz Lëscht mat Artikelen déi mat „Jean“ uginn. Do fannt Dir dann ë. a. Artikele wéi Jean-Ambroise Duvergier de Hauranne, awer och de Jeanharishaff. Et gëtt nach eng weider Méiglechkeet, fir an d'alphabetesch Lëscht ze sprangen: D'Alphabetesch Navigatioun ass eng Säit mat lauter Buschtawekombinatiounen, déi Dir auswiele kënnt fir direkt op déi entspriechend Plaz am alphabeteschen Index ze sprangen.
Thematesch sichen
Wikipedia kann een awer och no Theemen duerchbliederen. Zu verschiddenen Theeme gëtt et ewell e Portal, wat sech exklusiv mat deem Theema befaasst. E Portal ass eng Säit mat Artikele ronderëm een Theema. Op de meeschte Portalsäite fannt Dir:
- Hiweiser op nei Artikelen
- eng thematesch Zortéierung vun den Artikelen, déi et scho gëtt
- eng Lëscht vun Artikelen, déi nach net geschriwwe sinn
Op der Wikipedia-Haaptsäit fannt Dir och eng Auswiel vu Portaler. Et gëtt am Moment 41 Portaler op der Lëtzebuerger Wikipedia (Stand Juni 2024), mee et ass bis elo leider net méiglech gewiescht, zu all Theemeberäich engagéiert Leit ze fannen, fir en neit Portal opzemaachen.
Kategoriesystem
Dir kënnt natierlech och iwwer d'Haaptkategorie fueren. Bei villen Artikele fannt Dir um Schluss eng Zeil déi ongeféier sou ausgesäit:
Dat ass d'Kategorie (et kënnen der och méi sinn), an déi den Artikel aklasséiert gouf. Wann Dir op den Numm vun der Kategorie klickt, kommt Dir op eng automatesch zortéiert Lëscht vun allen Artikelen, déi et an dëser Kategorie gëtt. Dacks gëtt et uewen an där Lëscht och Linken op Ënnerkategorien (déi eenzel Ënneraspekter vun där Kategorie regruppéieren). Zousätzlech ass praktesch all Kategorie ënnen op der Säit verknëppt mat enger (oder méi) méi allgemenger Kategorie (D'Kategorie:Kinnke vu Frankräich leet an der Arboreszenz no erop op d'Kategorie:Kinneken an d'Kategorie:Geschicht vu Frankräich. D'Kategorie:Geschicht vu Frankräich hirersäits leet dann erop op d'Kategorie:Geschicht vun Europa an d'Kategorie:Frankräich, asw.).
Sou kënnt Dir Iech en Iwwerbléck iwwer e Fachgebitt verschafen.